仲未放榜/仲未出 offer ，心急如焚嘅你可以做啲咩呢？

1. 儲錢

考完DSE可以返工累積工作經驗，同時儲錢，交留位費都要 $5000 ，買卷 appeal 又要錢。

2. 預習心儀學科知識

假設你入到A1果科，可以睇定果科 text-books 同埋入定大學群組問下師兄師姐揀科攻略先。好多同學亦未諗好做FYP做咩題目，但如果事先諗到大概方向， interview 時有機會 impress 到 interviewer 。

3. 預備 interview 

• 面試係希望睇你是否適合入讀該 Program。面試題目並無標準答案，請以你認為適合的方式回答問題。
• 儀容端莊即可。你可選擇穿著整齊西裝 (尤其 business 科)，但並非面試要求，而且更多科目可接受 smart casual。 Smart casual 簡單啲嚟講就係返寫字樓工嘅人嘅打扮。
• 如果佢計時嘅話，會明確告知您，無需太過擔心略為超時。
• 可以睇下前人有無講係中/英文，Group 定 Individual ，是否需要自我介紹： https://non-jupas.info/api/search
  Non JUPAS 嘅面試題目同時有機會係 JUPAS 嘅面試題目，可以參考嚟準備。
• 如果係網上面試嘅，請確保自己事前有 Download 相關嘅軟件，並於面試之前測試自己嘅 Mic 、 Web cam 以及 share screen 功能是否能正常運作。尤其係用 Mac 嘅同學仔，請確保你事前已經俾過 Permission，因為你需要重開軟件先可以提供新權限，到時要考官等就唔太好。

【等緊interview嘅你可以做咩】

1. 可以於搜尋器搜尋往年Non-JUPAS派位紀錄，會有埋面試題目比你參考。連結： https://non-jupas.info/api/search
2. 準備一分鐘嘅自我介紹，因為好多都會叫你自我介紹，準備咗冇壞。自我介紹除咗講明、讀緊邊間邊科之外，可以講少少自己career方向
3. 準備大路問題，大路問題即係「點解想讀呢科」，「假如入咗之後會點安排自己u life」果啲，記得要講出呢間大學同其他大學嘅不同之處
4. 準備科目相關問題。具體有啲咩都係睇返上面Website準備。建議睇多少少唔好淨係睇今年，另外同faculty唔同major、同科唔同U嘅問題都準備下
5. 準備時事題。時事題主要反映思維同急材，所以冇啱唔啱之分，有啲嘢答到就得。建議喺channel搜羅今年有嘅時事題，對施政報告個別政策睇法都有可能會問
6. 等派interview，唔駛咁快記稿住，出咗interview日期先記稿，因為係短期記憶嚟。

喺準備interview嘅過程唔清楚自己個稿寫得好唔好，或者諗到中文內容唔知英文點寫好，可以pm @ugfn1000 商量下。如果想口頭練interview，或者模擬interview，都可以揾 @ugfn1000 ，歡迎自組小班，須酌情收費。

 

另外有啲做法係無標準答案嘅：有啲 Tutor 會建議你咁做，但有啲人會話無需要。
我自己唔可以代表所有嘅 Professor 決定評分準則，亦唔會話一定要或者一定唔應該；不過你可以參考以下嘅資源。

「當面試官問『有無問題』時，應該諗啲特別嘅問題去增加好感？」

我自己覺得無需要；如果你無問題，可以照直講真係無。
每位面試官嘅諗法唔同，有啲好鐘意講佢嘅教學理念，但有啲只係打份工。
「佢用英文問我有冇問題，可唔可以用中文問？」如果佢聽得明中文，你又唔識用英文問，你又真係好想知果個問題嘅答案，可以。
但如果你真係想問嘅，以下其中一啲可行問題：

學科相關：

呢科有冇學長姐mentor計劃？
呢科多唔多career support？
多唔多跨科seminar增廣見聞？
exchange多唔多tran到cred?
Postgrad升學前景如何？

Interviewer個人相關： (interview氣氛輕鬆可以問，加深佢對你印象，趕時間就未必好問呢啲)

如果入到，有冇咩科係好正，推薦我要去讀？
interviewer嘅research interest係咩？
點解當初對呢科有興趣？
點解會㨂喺呢間大學教？
覺得呢間呢科同同faculty其他科最大嘅不同之處係邊？

並無標準答案，請按照自己認為合適嘅方式去做。

---

練習面試時，亦可先諗定對下面題目嘅答案：

1. 讀緊咩科想報咩科
2. 點解想報呢間院校嘅呢科（要針對不同course嘅不同之處寫）
3. 為咗呢科做過啲咩準備（報course、參加活動之類）（冇都唔緊要，冇就skip）
4. 你有咩性格特質、你有啲咩故事可以證明到你有呢個特質
5. 呢啲特質點幫到你讀你想入嘅科？
6. 參加過咩活動（中學定大專都得）/返過咩工？當中最深刻嘅經歷係咩、學到啲咩
7. 如果有機會入到，你會點把握機會？想過點嘅u life？
8. FYP暫時打算做咩題目？
9. 夢想做咩工作，讀緊呢幾年打算點準備，令你一畢業就做到呢份工，做到後，畢業5年後，大概做到咩規模

建立日期： 2024-05-20