競爭率，即係幾多個爭一個位。簡單嚟講係咁多個band夾埋揀呢科嘅人數除以 first year intake 。
之前喺排 Choice 心得以及遴選機制一文中提及大家需要注意科目嘅 intake ，分為 First year intake 及各 band intake 。 Per band intake 通常喺學士學位中， Band A 比較多，而喺資助副學位 intake 中，較後 banding 比較多。不論係 First year intake 定係 per band intake ，都可以喺 JUPAS 官網分科網站度見到。
但係你可能會發現 Per band intake 咁多個 band 加埋都唔夠佢完整嘅 first year intake 。喺學士學位嘅呢個情況同副學士嘅呢個情況嘅原因可能有所唔同。學士學位一般 First year 都收爆學額嘅，但係 per band intake 只係 list 咗 JUPAS 嘅 per band intake (srooy 廢話) ，實際上院校會留位收 non-jupas 嘅 first year 。而且， clearing round 派位係會因為部份科系依然有位但冇人揀而塞比一啲冇 main round offer 但都冇揀果科嘅人，呢啲人如果 accept 咗，就係 first year intake 但唔包喺 per band intake 度。
亦即係話「咁多個band夾埋揀呢科嘅人數除以 first year intake 」呢條數唔足以計算預留咗比 non-JUPAS first year 之下嘅競爭程度。實際上 JUPAS 嘅競爭會比呢條簡單嘅數更激烈。
而且有啲搶手嘅科，會只考慮放 Band A 嘅同學，所以我哋就要計 Band A 競爭率。
以 HKU BA & LLB 為例，呢科就只收 Band A 。2023 年收咗 27 個，2022 年收咗 13 個， 2021 年收咗 20 個，但全部係 Band A 。呢科 2024 年嘅 First Year Intake 係20個，表示基本上唔會收 non-JUPAS 或者 clearing round 派。
2023 年總共有 355 人揀呢科，所以可能會話競爭率係約每 13 人爭一個位，其實應該要睇 64 個排佢入 band A ，呢啲先係競爭對手，每 2.37 人爭一個位。都唔知點解會有幾十個人將 LLB 排 Band BCDE ，不如唔好排慳返個位。
又例如 MU 嘅 JS9719 ， Band A 競爭率為 14.26 人爭一個位。但 2023 年 Band A intake 27 人， Band BCDE intake 都有 24 人，所以呢啲科就可以排喺較後 Banding 。
競爭率嘅應用都係排 choice ， A1, A2 可以排競爭率高啲嘅科，但A3就要排返競爭率低啲嘅科，前提係都符合你成績。如果你嘅預計成績達唔到 median 或者實際成績達唔到 LQ ，就直情唔好排果科否則有機會冇 main round offer 。Band BCDE 亦同理，每 Band 最低個 choice 就要排返該 band 較低競爭率嘅科。