如果你係學校考生，咁學校同你報得當然符合，但如果你係自修生，符唔符合就有啲 tricky 。以下嚟為你整理咗：
1. 本地學生
2. 考咗/已報考DSE
屬以下類別嘅申請人唔符合透過「大學聯招辦法」遞交申請嘅資格。如果呢啲申請人遞交咗「大學聯招辦法」嘅申請，佢哋嘅申請就唔會處理。任何已經交咗嘅費用，唔會退俾你哋，亦唔可以轉用喺其他年度申請／其他申請上。如果呢啲申請人想要遞交入學申請，就應該去問個別嘅學校了解詳情。
1. 非本地申請人
按照香港特區政府政策，所有非本地申請人，不論有冇香港中學文憑考試成績，都要透過非「大學聯招辦法」途徑遞交入學申請，唔可以透過「大學聯招辦法」遞交申請。
2. 正讀可經「大學聯招辦法」揀報全日制學士學位課程嘅申請人
正讀可經「大學聯招辦法」揀報全日制學士學位課程嘅申請人，都唔符合透過「大學聯招辦法」遞交申請嘅資格，唔論佢哋係咪想憑香港中學文憑考試成績申請入學。
3. 需要合併香港中學文憑考試同其他學術成績嘅申請人
需要合併香港中學文憑考試同其他學術成績先符合可經「大學聯招辦法」揀報嘅課程申請資格嘅申請人，亦唔符合透過「大學聯招辦法」遞交申請嘅資格，應該去問個別學校了解詳情。
4. 冇任何香港中學文憑考試成績嘅申請人
冇任何往屆香港中學文憑考試成績同唔會參加應屆香港中學文憑考試嘅申請人，都唔符合透過「大學聯招辦法」遞交申請嘅資格。
同時持有香港中學文憑考試同其他學術成績嘅本地申請人，如果只憑香港中學文憑考試成績或其他學術成績已符合可經「大學聯招辦法」揀報嘅課程申請資格，可以揀：
- 憑香港中學文憑考試成績，透過「大學聯招辦法」遞交申請；或
- 憑其他學術成績，透過非「大學聯招辦法」途徑遞交申請。
但係申請人唔可以同一學年同時透過 JUPAS 同 Non-JUPAS 途徑遞交申請入讀任何可經「大學聯招辦法」揀報嘅課程。申請人要取消其中一項申請，否則佢哋嘅申請就唔會處理。過去有人會選擇同時報咗 Non-JUPAS 同 JUPAS 先，如果結果似乎唔理想再 quit Non-JUPAS 等待 JUPAS 嘅消息。此做法未經官方評論，請自行考慮是否要咁做。