(文章撰寫日期為 2021年5月3日。希望提醒往後年份到到五月,如果未收到心儀 Offer 嘅同學需要做嘅準備。)

 

距離開學仲有三個月。好多同學已經收到Offer,但有啲仲等緊。
雖然我哋無辦法派offer俾你,但可以提醒一下常見事項等你應對得更加好。

 

1. 儲錢

 

七八月學校會派N手飯。通常呢啲offer只會俾好少時間你考慮,而你可能已經交咗其他學校嘅學費或者留位費。部分款項或有得退但處理需時,建議預留至少 $20000 作以上用途。
經Non JUPAS 報名留位費唔可以退(除非meet唔到condition),而扣除留位費後,PolyU 同 HSU可以退第一期學費,而其他學校無得退。

SPACE同HKCC如果收到ugc offer可以扣除手續費後退出年學費,IVE開學前可以退一半。資料請以相關學校消息為準。

2. 校內成績

有 Offer 嘅,記住計好數確保自己 Meet 到 Offer。 CGPA 並唔完全係4個 Sem 嘅GPA加埋除以4,需要計埋 credit weighting 同埋 retake 等等。唔熟悉嘅,問問同學點計。
如果計過數發現係難 Meet 嘅,同你依家嘅 Programme leader 打個招呼,努力讀書,再問下佢有無嘢可以幫到你。只要你訂立實際可行嘅讀書計畫同埋預估分數,Lecturer應該都好樂意幫到你。
就算你手上無offer,都考好個sem2去。唔好日日愁無offer,天時地利人和,係你嘅點都係你,去唔到你手你都無辦法改變事實。但你永遠唔會知機會幾時黎搵你,如果你因為衰咗sem2而接唔實個n手飯,上帝都幫唔到你。

 

3. 公開試

IELTS 可以隨時報名,但依家先報其實都遲。 如果想求個安心嘅,請先查詢官網睇下你嘅學科係咪需要考IELTS, 再搵下 @nonjupasspreadsheet , 睇下過往收咗你嗰科嘅有無考

 

相關嘅討論群組:

@IGCSE_Chinese

@JUPAS2021

@IELTS_resources_hk (有同學好好提供咗練習)

@IELTS56789

 

4. 水泡科

可以睇定,如果收唔到心儀 Offer 嘅時候有無其他選擇。
自資大學學位嘅話,確保自己夠錢 (參考第一點) 後,可以睇下有無合適嘅選擇。
⚠️ 如果諗住「求其讀啲嘢」嘅話,要留意當你讀緊學士學位,想轉科轉校係困難嘅。一心諗住想讀 First choice 而又覺得自己夠分嘅,出年 Gap year 都唔好求其報嘢。

 

希望幫到大家。


建立日期: 2021-09-01