【面試注意事項、歷屆 Non JUPAS 面試題目】

  • 面試係希望睇你是否適合入讀該 Program。面試題目並無標準答案,請以你認為適合的方式回答問題。
  • 儀容端莊即可。你可選擇穿著整齊西裝,但並非面試要求。
  • 如果佢計時嘅話,會明確告知您,無需太過擔心略為超時。
  • 可以睇下前人有無講係中/英文,Group 定 Individual ,是否需要自我介紹: https://non-jupas.info/api/search
    Non JUPAS 群組入面大部分都係當屆嘅申請人,佢地知道未公布嘅細節嘅機會唔大。
  • 想識同科同學嘅,除咗喺群組入面問,亦可於 Interview 當天交換 Contact 及開 Group
  • 如果係網上面試嘅,請確保自己事前有 Download 相關嘅軟件,並於面試之前測試自己嘅 Mic 、 Web cam 以及 share screen 功能是否能正常運作。尤其係用 Mac 嘅同學仔,請確保你事前已經俾過 Permission,因為你需要重開軟件先可以提供新權限,到時要考官等就唔太好。

【等緊interview嘅你可以做咩】

  1. 可以於搜尋器搜尋往年派位記錄;而你面試後亦希望你可以提供面試資料幫助來年學生。連結: https://non-jupas.info/api/search
  2. 準備一分鐘嘅自我介紹,因為好多都會叫你自我介紹,準備咗冇壞。自我介紹除咗講明、讀緊邊間邊科之外,可以講少少自己career方向
  3. 準備大路問題,大路問題即係「點解想讀呢科」,「假如入咗之後會點安排自己u life」果啲,記得要講出呢間大學同其他大學嘅不同之處
  4. 準備科目相關問題。具體有啲咩都係睇返上面Website準備。建議睇多少少唔好淨係睇今年,另外同faculty唔同major、同科唔同U嘅問題都準備下
  5. 準備時事題。時事題主要反映思維同急材,所以冇啱唔啱之分,有啲嘢答到就得。建議喺channel搜羅今年有嘅時事題,對施政報告個別政策睇法都有可能會問
  6. 等派interview,唔駛咁快記稿住,出咗interview日期先記稿,因為係短期記憶嚟。Meanwhile努力讀書啦,有essay type question唔知點plan會高分啲就揾 @ugfn1000 傾下。

喺準備interview嘅過程唔清楚自己個稿寫得好唔好,或者諗到中文內容唔知英文點寫好,可以pm @ugfn1000 商量下。如果想口頭練interview,或者模擬interview,都可以揾 @ugfn1000 ,歡迎自組小班,須酌情收費。

 

另外有啲做法係無標準答案嘅:有啲 Tutor 會建議你咁做,但有啲人會話無需要。
我自己唔可以代表所有嘅 Professor 決定評分準則,亦唔會話一定要或者一定唔應該;不過你可以參考以下嘅資源。

  1. 「當面試官問『有無問題』時,應該諗啲特別嘅問題去增加好感?」
    我自己覺得無需要;如果你無問題,可以照直講真係無。
    每位面試官嘅諗法唔同,有啲好鐘意講佢嘅教學理念,但有啲只係打份工。
    或者 Interview 本身時間緊迫嘅話,再問問題令佢 Overrun 亦不值得。
    但如果你真係想問嘅,以下其中一啲可行問題:
    呢科有冇學長姐mentor計劃?
    呢科多唔多career support?
    多唔多跨科seminar增廣見聞?
    exchange多唔多tran到cred?
    Postgrad升學前景如何?
    interviewer嘅research interest係咩?
    點解當初對呢科有興趣?
    點解會㨂喺呢間大學教?
    覺得呢間呢科同同faculty其他科最大嘅不同之處係邊?
  2. 「面試後,應該電郵考官多謝佢」
    遴選嘅時候,學校本身已經有方式公平地篩選申請人,例如Personal Statement / Written Test / Interview 或者睇分數。如果佢認為唔足夠嘅,佢地會另行聯絡你。
    我自己都見過好多學生;個個都會話自己鍾意該科目同好有心想讀。可惜學位有限,有熱情並唔夠。
    其實 Interview 當刻已經考慮咗收唔收你;除非你有新嘅觀點想講,否則並唔會因為加深印象特別改變佢嘅決定。
    有學生曾經表示俾咗 interview follow up email 之後,被學校提醒話唔應該直接聯絡 Prof,因為可能被視為騷擾決策人。
    如果本身無講明唔俾的話唔需要擔心太多。
    面試後,請耐心等候結果便可,不應過份擔心自己講錯嘢/面試官嘅微細反應。
    願 Offer God 保佑 :)

1 & 2 並無標準答案。我覺得唔應該去麻煩佢,但請按照自己認為合適嘅方式去做。

---

練習面試時,亦可先諗定對下面題目嘅答案:

1. 讀緊咩科想報咩科
2. 點解想報呢間院校嘅呢科(要針對不同course嘅不同之處寫)
3. 為咗呢科做過啲咩準備(報course、參加活動之類)(冇都唔緊要,冇就skip)
4. 你有咩性格特質、你有啲咩故事可以證明到你有呢個特質
5. 呢啲特質點幫到你讀你想入嘅科?
6. 參加過咩活動(中學定大專都得)/返過咩工?當中最深刻嘅經歷係咩、學到啲咩
7. 如果有機會入到,你會點把握機會?想過點嘅u life?
8. 如果有人生reset button,你會想喺邊年reset,reset啲咩,點解
9. 夢想做咩工作,讀緊呢幾年打算點準備,令你一畢業就做到呢份工,做到後,畢業5年後,大概做到咩規模

===


建立日期: 2022-04-23