大家好，我做咗8年嘅 freelance 翻譯+傳譯。標題呢個問題真係好多朋友問，今日得閒，就整理左我親身實驗過嘅方法同心得，比有同一目標嘅朋友參考！
而家諗返，當中大概只有 3年真係覺得自己係 freelancer ，其餘時間都係 Slash 。當中最大分別就係 freelance 接 job 都係不斷接不斷接，都係單一嘅工作模式；而 slash 就係悶咗可以轉換工作。 Freelance 比起 slash ，其實係冇咁開心嘅。你開咗個價，做完就有果個錢收，感覺都係似打工，只不過由1個老細變好多個老細，分散風險。但係 Slash 係好適合 E 人做，因為要 sell 嘢，相反 I 人做 freelancer 開心啲，因為實幹嘅部份多過傾計銷售嘅部份。
唔係接 job 大神，只係幸運喺成為小小「自由工作者 Freelancer」時期，但為咗所有有同樣理想想避開打工風險嘅朋友，我會係度分享我點樣喺自由工作者生涯起步30日內，開始每月穩定賺5千，然後逐步挑戰更高收入嘅故事。
以下分享 9 大「自由工作者搵第一個案同開發每月穩定基礎收入嘅秘訣」：
（PS. 我專業係行銷/文字/翻譯，唔同專業可能有啲差異，大家可以參考。）
我開始時，透過Toby、朋友介紹、Agent 邀約...等等途徑搵案。仲有其他更多接案平台，都可以試下，例如：UpWork、Freelancer.com、RemoteOK...等等。如果係國外或英文好，都可以試下接當地或跨國案！😆😆~（我喺英國時用 indeed + LinkedIn 搵工，好實用。）
要有寫得好、吸引人嘅履歷同相關作品比案主參考。例如 CakeResume 好實用，版型靚直覺~推薦!!👍👍😆~不過內容要自己調整，要強調自己嘅優勢。要將自己當作品牌、獨立個人公司去寫，列出你提供嘅服務項目，清晰明瞭，再用學經歷、能力、成果去強化每個服務項目。啱啱開始接 job ，未有實例比人睇，多數要無薪做個作品例，例如我做翻譯，就要揾網上一啲公開資源翻譯出嚟比個客睇 (當年仲未有 AI ) 。
要接案，先搵到自己專業領域嘅「niche」好重要，會令你更具代表性同特色！亦會令需要你嘅人直接諗到你。例如除咗講自己行銷強之外，亦強調自己在內容行銷上特別勁/除咗講自己擅長寫文章之外，亦強調自己在撰寫咩題材文章特出。所以都係要事先寫定某個類別嘅文章，先可以話比人知某類文章你特別有心得。不過都未必係實質接到嘅類型，接到咩都好講際遇，而且接到一份就會有更多份，所以個路線都係被決定 rather than 自己決定。
例如，如果你唔係本地，案主可能唔太敢搵你，咁時就要主動解釋你嘅溝通合作方式、目標導向、準時完成等等。亦可以強調因為你喺某某地方，所以可以結合當地資源、體驗出更好嘅東西。呢個係我嘅經驗啦，不過我後來返咗香港。但係都要揾到自己嘅長處同埋同人哋唔同嘅特點， sell 客嘅時候要 show 到比人。
整理所有可能需要你服務嘅公司、組織、案主、出版社、媒體....，然後針對佢哋「客製化」寫一封吸引人嘅Email / 私訊+作品大力推薦自己，亦係獲得高薪案子嘅好方法！但記住一定要「針對案主客製化內容」，並「大量大量」寄！冇回應係正常，唔好太傷心！寄幾百封出去，搵到一個長期合作、酬勞唔錯嘅好案子，就值得！
利用「面試」或「執行時的接觸」，每次合作都全力以赴，建立信任！將短期案子變長期合作，唔洗每日面對新案主、重新溝通，唔洗忙到焦頭爛額。例如：面試時，準備簽約之前，直接提出可以長期合作：提供服務、價值、酬勞、強調長期合作可以節省溝通成本。亦可以在專案結束前提出，對方會更有意願發展長期合作。就算對方唔願意，做完一單 job 都隔一排再揾下佢問下有冇新嘅 job 。因為我當時大概就係三大個客輪流比 job 我養起我，再搭啲散嘅客。如果有長期客會舒服好多。
吸引追蹤者唔係最重要，首要係至少要「有」，係長期經營客群、維持顧客同潛在客戶關係嘅重要平台，亦係潛在案主搵到你嘅管道。個人網站或社群平台上，至少要包括簡介、聯絡資訊、同專業相關內容（例如：文章、影片、作品、想法同日常分享...等等，唔需要好專業，但要表現你係呢個領域嘅人）。
要經營平台，掌握主導權。充實自己能力、特色同賣點，諗下自己可以帶嚟同同領域競爭者唔同嘅「核心價值」，亦好重要！唔係咁容易做代工，要努力成為作家、自媒體人、意見領袖、專業人士。雖然我都係做代工嘅，因為多人揾我做嘅範疇同埋我想做嘅範疇唔同，但喺自己嘅平台可以強調自己想做嘅範疇，都會接到啲 job 開心下。
係啊！！呢個係最難嘅一點！哈哈哈哈十劃都未一撇嘅時候，就要同身邊人講你做緊乜嘢，係一件恥力無限嘅事。😆😆😆🤪🤪不過唔好懷疑，親朋好友係你開新生涯時最想幫助你嘅人！識嘅人無論係屋企人定係以前嘅同學，知你 freelance 接 job ，有識人有類似嘅需求都會介紹你！😭😆😆💕～但前提係，自己要做好人、願意付出、待人真誠且值得，永遠感激、謙虛，唔好將別人嘅善意當作理所當然，亦唔好將成功全歸功於自己。
做自由工作者係一個挑戰同滿足嘅過程。喺尋找案子同建立穩定收入嘅路上，要有耐心同堅持，同時亦要善用各種途徑同技巧。喺呢個過程中，要學會發掘自己嘅獨特價值同特色，建立自己嘅品牌同平台，同埋喺溝通合作過程中建立信任同長期合作嘅關係。喺自由工作者嘅道路上，每一步都係成長同學習嘅機會，希望大家都可以喺追求自由同成功嘅過程中，找到屬於自己嘅幸福同滿足。加油！💪🌟🔥🔥🔥🤪🤪🍻