【面試注意事項】

- 面試係希望睇你是否適合入讀該 Program。面試題目並無標準答案,請以你認為適合的方式回答問題。
- 可以於搜尋器搜尋往年嘅 Non JUPAS派位記錄 。 過往見到 interview JUPAS / Non JUPAS 嘅大致上係同一班人,問嘅問題亦都相近。
- 而你面試後亦希望你可以提供面試資料幫助來年學生。
- 儀容端莊即可。你可選擇穿著整齊西裝,但並非面試要求。
- 如果佢計時嘅話,會明確告知您,無需太過擔心略為超時。
- 可以睇下前人有無講係中/英文,Group 定 Individual ,是否需要自我介紹。如果佢地無講嘅話,喺群入面亦都應該難搵到答案
- 如果大家想識同科同學嘅,除咗喺群組入面問,亦可於 Interview 當天交換 Contact + 開 Group

聽過其他地方嘅提醒特定事項(我覺得無需要嘅),例如:
- 如果考官問你「有無其他問題」應該諗一啲精確嘅問題,去增加佢對你嘅印象
- 面試後,應該電郵考官多謝佢
- 唔應該問佢幾時出 Offer
以上並無標準答案。我覺得唔應該去麻煩佢,但請按照自己認為合適嘅方式去做。


面試後,請耐心等候結果便可,不應過份擔心自己講錯嘢/面試官嘅微細反應。
願 Offer God 保佑 :)

 

===

【面試後,應該電郵考官多謝佢?】

我覺得無需要嘅,耐心等候結果便可;但如果你認為需要嘅仍然可以咁做。

觀點如下:

  • 遴選嘅時候,學校本身已經有方式公平地篩選申請人,例如Personal Statement / Written Test / Interview 或者睇分數。如果佢認為唔足夠嘅,佢地會另行聯絡你。
  • 我自己都見過好多學生;個個都會話自己鍾意該科目同好有心想讀。可惜學位有限,有熱情並唔夠。
  • 其實 Interview 當刻已經考慮咗收唔收你;除非你有新嘅觀點想講,否則並唔會因為加深印象特別改變佢嘅決定。

有學生曾經表示俾咗 interview follow up email 之後被提醒話唔應該直接聯絡 Prof,因為可能被視為騷擾決策人。
如果本身無講明唔俾的話唔需要擔心太多。


建立日期: 2022-07-26